tg-me.com/myhealthlife/97033
Last Update:
#كلمتين_صغيرين_للناس_الصايمين📿🌙
عشان طبق الفول من اهم الاطباق في سحورنا كل يوم في رمضان 👌فعايزه اقولكم كلمتين عنه ، مفيش احسن من طبق الفول اللي حتعملوه ب ايديكم في البيت 😍مش بس عشان انضف من فول المحلات ، لكن عشان كمان افضل و انفع لصحتكم ، و حقولكم ليه 🤔كتير من محلات الفول بتحطله بودرة بيضا ( اسمها بودره الفول) و دي عباره عن ماده اسمها EDTA بيحطوها عشان تساعد في ان الفول يستوي اسرع و ده طبعا بيوفر لهم في الطاقه المستخدمه لتسوية الفول ، سواءا بالغاز الطبيعي او بأنابيب البوتاجاز ، و دي طبعا زي اي ماده كيميائية ما ينفعش تضاف للفول بأي كميه لأنها ممكن تسبب :
🫘تكسير الاحماض الامينية ( يعني البروتين اللي في الفول)
🫘زياده محتواه من الصوديوم و ده طبعا غلط لمرضي الضغط
🫘تغيير لون الفول لأنها بتكسر الصبغات اللي فيه، فبيضطروا يحطوله ماده تديله لون.
🫘وكمان بتقلل محتواه من الكالسيوم و الماغنيسيوم.
يعني نقدر نقول ان الماده دي بتقلل من قيمه الفول الغذائيه جدا ، فالافضل علي اد ما نقدر نعمله في البيت، مين شاطر و بيعمل الفول في البيت و ياريت يقولنا بيعمله ازاي عشان يطلع مستوي كويس و لونه حلو…. مستنياكم😍😍
#كلمتين_صغيرين_للناس_الصايمين
#فول_البيت_احسن_من_فول_المحلات
#خواطر_دكتوره_تغذية
#صحتي_حياتي
#رمضان
#رمضان
http://T.me/cn/صحتي هي حياتي/com.myhealthlife
https://whatsapp.com/channel/0029VaKbucR9sBI7U0uHzN0I
امرأة متميزة علي الواتس
BY صحتي هي حياتي
Share with your friend now:
tg-me.com/myhealthlife/97033